TURAN ROLEPLAY

Hər yaxşı hekayənin qaydası var.

Roleplay zamanı ortaq prinsiplər hər kəs üçün daha yaxşı təcrübə yaradır. Rəsmi server qaydaları rəhbərlik tərəfindən bu səhifədə paylaşılır.

RolePlay Qaydaları

Əsas Rol Qaydaları

TURAN ROLEPLAY ƏSAS ROL QAYDALARI Turan Roleplay serverində hər bir oyunçu realistik, məntiqli və qarşılıqlı hörmətə əsaslanan rol mühiti yaratmağa borcludur. Aşağıdakı qaydalar bütün oyunçular üçün məcburidir. ━━━━━━━━━━━━━━━━━━━━ 01 — ROLEPLAY (RP) Realistik və məntiqli rol təcrübəsi Server daxilində həyata keçirdiyiniz bütün hərəkətlər canlandırdığınız xarakterin şəxsiyyətinə, keçmişinə və mövcud vəziyyətinə uyğun olmalıdır. Roleplay-in əsas məqsədi yalnız üstünlük qazanmaq deyil, digər oyunçularla birlikdə keyfiyyətli, maraqlı və inandırıcı hekayələr yaratmaqdır. Hər bir vəziyyətdə şəxsi düşüncələrinizə deyil, canlandırdığınız xarakterin düşüncə və davranışlarına əsaslanmalısınız. ━━━━━━━━━━━━━━━━━━━━ 02 — FAIL RP Qeyri-real və məntiqsiz rol davranışları Real həyat məntiqinə və roleplay prinsiplərinə zidd olan hərəkətlər Fail RP hesab edilir. Rolun gedişatını əsassız şəkildə pozmaq, qarşı tərəfin rol imkanlarını məhdudlaşdırmaq və qeyri-real davranışlar sərgiləmək qadağandır. Oyunun virtual mühit olması qaydaları pozmağa və məntiqsiz hərəkətlər etməyə əsas vermir. ━━━━━━━━━━━━━━━━━━━━ 03 — RANDOM DEATHMATCH (RDM) Səbəbsiz hücum və öldürmə qadağası Heç bir əsaslandırılmış rol səbəbi olmadan digər oyunçuya hücum etmək, onu yaralamaq və ya öldürmək qəti qadağandır. Sadə mübahisələr, söz atışmaları və kiçik anlaşılmazlıqlar öldürücü güc tətbiq etmək üçün kifayət qədər əsas hesab edilmir. Silahlı qarşıdurma yalnız rolun gedişatına uyğun, məntiqli və əsaslandırılmış vəziyyətlərdə baş verə bilər. ━━━━━━━━━━━━━━━━━━━━ 04 — VEHICLE DEATHMATCH (VDM) Nəqliyyat vasitəsindən silah kimi istifadə Nəqliyyat vasitəsindən istifadə edərək digər oyunçuları qəsdən vurmaq, əzmək və ya öldürmək qadağandır. Oyunçunun üzərindən bilərəkdən keçmək, onu avtomobilin altında saxlamaq və nəqliyyat vasitəsi ilə təkrar hücum etmək VDM pozuntusu hesab olunur. Realistik yol-nəqliyyat hadisələri və idarəetmənin itirilməsi nəticəsində yaranan vəziyyətlər administrasiya tərəfindən ayrıca qiymətləndirilir. ━━━━━━━━━━━━━━━━━━━━ 05 — POWER GAMING (PG) Qeyri-real üstünlük və məcburi rol Real həyatda mümkün olmayan hərəkətləri həyata keçirmək və digər oyunçulara reaksiya imkanı vermədən rolun nəticəsini müəyyənləşdirmək qadağandır. Heç bir oyunçu qarşı tərəfin xarakteri adından qərar verə və onun rol nəticəsini məcburi şəkildə təyin edə bilməz. Xarakterinizi qeyri-real dərəcədə güclü, məğlubedilməz və ya hər vəziyyətdən zərərsiz çıxan şəxs kimi göstərmək Power Gaming hesab olunur. ━━━━━━━━━━━━━━━━━━━━ 06 — META GAMING (MG) Oyun xarici məlumatlardan istifadə Oyun xaricində əldə edilən məlumatların oyun daxilində istifadə edilməsi qəti qadağandır. Discord, canlı yayımlar, dost söhbətləri və digər oyunxarici mənbələr vasitəsilə əldə edilən məlumatlar xarakterinizin bildiyi məlumat hesab edilmir. Rol daxilində öyrənmədiyiniz adları, məkanları, planları və digər məlumatları istifadə etmək Meta Gaming pozuntusudur. ━━━━━━━━━━━━━━━━━━━━ 07 — MIXING IC və OOC məlumatlarının qarışdırılması Oyun daxilindəki (IC — In Character) hadisələrlə oyun xaricindəki (OOC — Out of Character) məlumatları bir-birinə qarışdırmaq qadağandır. Rol zamanı “Discorda gəl”, “Admin çağırıram”, “Səni report edəcəyəm”, “Video sübutum var” kimi oyunxarici ifadələrdən istifadə etmək olmaz. Rol zamanı yaranan problemlər mümkün olduğu halda rol tamamlandıqdan sonra rəsmi dəstək sistemi vasitəsilə həll edilməlidir. ━━━━━━━━━━━━━━━━━━━━ QAYDALARA RİAYƏT Turan Roleplay serverinə qoşulan hər bir oyunçu serverin mövcud qaydalarına riayət etməyi qəbul edir. Qaydaların pozulması hadisənin ağırlığından və şəraitindən asılı olaraq administrasiya tərəfindən qiymətləndirilir və müvafiq tədbirlər görülə bilər. Unutmayın: Keyfiyyətli rol mühiti hər bir oyunçunun məsuliyyətindən başlayır. TURAN ROLEPLAY — Rolunu seç, izini burax!

Soyğun Qaydaları

TURAN ROLEPLAY SOYĞUN QAYDALARI Turan Roleplay serverində bütün soyğun əməliyyatları müəyyən edilmiş limitlərə və realistik rol prinsiplərinə uyğun həyata keçirilməlidir. Aşağıdakı qaydalar soyğunlarda iştirak edən bütün oyunçular üçün məcburidir. ━━━━━━━━━━━━━━━━━━━━ 01 — MARKET SOYĞUNU Market soyğunları üçün iştirak və əməliyyat limitləri Bir oyunçu gün ərzində maksimum 2 dəfə market soyğununda iştirak edə bilər. Soyğunlar arasında minimum 40 dəqiqə vaxt fərqi olmalıdır. Market soyğunu yalnız bıçaq və ya odlu silah vasitəsilə həyata keçirilə bilər. Oyun daxilində mövcud olan iş levazimatları və əmək alətlərindən istifadə edərək soyğun həyata keçirmək qadağandır. İllegal tərəfdə minimum 2, maksimum 4 nəfər iştirak edə bilər. İllegal tərəf soyğun zamanı maksimum 1 avtomobildən istifadə edə bilər. Legal tərəf market soyğununa maksimum 2 avtomobillə müdaxilə edə bilər. Market soyğunu zamanı maksimum $30.000 məbləğində pul tələb oluna bilər. ━━━━━━━━━━━━━━━━━━━━ 02 — BANK SOYĞUNU Bank soyğunları üçün iştirak və əməliyyat limitləri Bir oyunçu gün ərzində maksimum 1 dəfə bank soyğununda iştirak edə bilər. Soyğunlar arasında minimum 40 dəqiqə vaxt fərqi olmalıdır. Bank soyğunu yalnız odlu silah vasitəsilə həyata keçirilə bilər. İllegal tərəfdə minimum 4, maksimum 8 nəfər iştirak edə bilər. İllegal tərəf soyğun zamanı maksimum 2 avtomobildən istifadə edə bilər. Legal tərəf bank soyğununa maksimum 4 avtomobillə müdaxilə edə bilər. Bank soyğunu zamanı maksimum $80.000 məbləğində pul tələb oluna bilər. ━━━━━━━━━━━━━━━━━━━━ 03 — GİROV QAYDALARI Girov götürmə şərtləri və minimum limitlər Market soyğununda minimum 1 nəfər girov olmalıdır. Bank soyğununda minimum 3 nəfər girov olmalıdır. Öz ailə üzvünüzü, dostunuzu və ya soyğunda sizinlə birlikdə iştirak edən şəxsi əvvəlcədən razılaşaraq girov kimi göstərmək qadağandır. Girov yalnız realistik və məntiqli RP prosesi nəticəsində götürülməlidir. Saxta və əvvəlcədən razılaşdırılmış girov ssenariləri qayda pozuntusu hesab olunur. ━━━━━━━━━━━━━━━━━━━━ 04 — SOYĞUN ZAMANI DAVRANIŞ QAYDALARI İştirakçıların mövqeyi və danışıqların aparılması Soyğun zamanı bütün illegal iştirakçılar market və ya bankın daxilində olmalıdır. Yalnız 1 nəfər — illegal tərəfin lideri danışıqlar aparmaq məqsədilə çölə çıxa və legal tərəfin rəhbəri ilə əlaqə saxlaya bilər. İllegal liderdən başqa heç bir illegal iştirakçı soyğun davam etdiyi müddətdə market və ya bankı tərk edə bilməz. Bu qaydanın pozulması 40 dəqiqə Demorgan cəzası ilə nəticələnir. Müəyyən edilmiş iştirakçı və avtomobil limitlərinin aşılması qayda pozuntusu hesab olunur və administrativ cəza ilə nəticələnə bilər. ━━━━━━━━━━━━━━━━━━━━ 05 — SOYĞUNUN QƏBUL EDİLMƏ ŞƏRTLƏRİ Soyğunun etibarlı hesab olunması üçün tələblər Soyğunun keçərli hesab olunması üçün bütün tələblər rol başlamazdan əvvəl tam şəkildə qarşılanmalıdır. Girov sayı, illegal iştirakçı sayı, avtomobil sayı, istifadə edilən silah növü və digər soyğun tələbləri müəyyən edilmiş qaydalara uyğun olmalıdır. Bu tələblərdən hər hansı biri qarşılanmadığı halda soyğun rolu etibarsız hesab edilir. Tələblər yerinə yetirilmədən başladılan soyğun administrasiya tərəfindən qəbul edilməyəcək. Etibarsız soyğun rolu başa çatdıqdan sonra administrasiya tərəfindən CLEAR qərarı veriləcək. CLEAR qərarından sonra həmin rolu davam etdirmək, atışmaya başlamaq, təqib aparmaq, intiqam almaq və ya hadisəni yenidən canlandırmaq qəti qadağandır. ━━━━━━━━━━━━━━━━━━━━ QAYDALARA RİAYƏT VƏ CƏZALAR Soyğun əməliyyatlarında iştirak edən bütün oyunçular müəyyən edilmiş qaydalara və limitlərə riayət etməyə borcludurlar. Qayda pozuntuları hadisənin ağırlığından asılı olaraq administrasiya tərəfindən qiymətləndirilir və müvafiq cəzalar tətbiq edilə bilər. Soyğun zamanı qaydalara üstünlük verilməli, hər iki tərəfin keyfiyyətli və ədalətli rol təcrübəsi yaşaması təmin edilməlidir. Unutmayın: Məqsəd yalnız soyğunu uğurla tamamlamaq deyil, bütün iştirakçılar üçün məntiqli, realistik və maraqlı rol yaratmaqdır. TURAN ROLEPLAY — Rolunu seç, izini burax!

İllegal Qaydaları

İllegal

TURAN ROLEPLAY İLLEGAL ROL QAYDALARI Turan Roleplay serverində illegal fəaliyyətlər realistik, məntiqli və mərhələli rol prinsiplərinə əsaslanmalıdır. Illegal rolun məqsədi yalnız silahlı qarşıdurmalarda qalib gəlmək deyil, uzunmüddətli kriminal hekayələr yaratmaq və digər oyunçularla keyfiyyətli rol təcrübəsi yaşamaqdır. Aşağıdakı qaydalar bütün illegal oyunçular, ailələr və kriminal təşkilatlar üçün məcburidir. ━━━━━━━━━━━━━━━━━━━━ 01 — İLLEGAL RP ANLAYIŞI Kriminal rolun əsas prinsipləri Illegal rol yalnız silah istifadə etmək, döyüşmək və insan öldürməkdən ibarət deyil. Illegal xarakterin inkişafı sosial əlaqələr, məlumat toplamaq, gizli görüşlər, alver, planlaşdırma və zamanla kriminal mühitə daxil olmaq əsasında qurulmalıdır. Yeni yaradılmış xarakterin ilk gündən böyük cinayətkar, peşəkar qatil və ya mafiya üzvü kimi davranması qadağandır. ━━━━━━━━━━━━━━━━━━━━ 02 — İLLEGAL XARAKTER İNKİŞAFI Mərhələli və realistik inkişaf Xarakter illegal həyata mərhələli şəkildə daxil olmalıdır. Serverə yeni başlayan oyunçunun qısa müddətdə səbəbsiz silah əldə etməsi və davamlı silahlı qarşıdurmalarda iştirak etməsi Fail RP hesab oluna bilər. Illegal əlaqələr və qarşılıqlı etibar yalnız oyun daxilində aparılan rol vasitəsilə formalaşdırılmalıdır. Discord vasitəsilə ailəyə, mafiaya və digər illegal qurumlara üzv qəbul etmək qadağandır. ━━━━━━━━━━━━━━━━━━━━ 03 — DISCORD VƏ OOC ƏLAQƏLƏR Oyunxarici məlumatlardan istifadə Discord vasitəsilə illegal fəaliyyət planlaşdırmaq, görüş təyin etmək, məkan məlumatı ötürmək və oyun daxilinə aid məlumatları paylaşmaq qadağandır. Discorddan əldə edilən məlumatların oyun daxilində istifadə edilməsi Meta Gaming hesab olunur. Ailələr və illegal təşkilatlar yalnız oyun daxilində aparılan realistik RP nəticəsində qurulmalıdır. ━━━━━━━━━━━━━━━━━━━━ 04 — FIGHT VƏ SİLAHLI QARŞIDURMA Silahlı qarşıdurmaların əsaslandırılması Hər bir silahlı qarşıdurma üçün məntiqli və kifayət qədər ciddi RP səbəbi olmalıdır. Kiçik söz atışmaları, təhqirlər və sadə mübahisələr avtomatik olaraq silahlı qarşıdurmaya başlamaq üçün əsas vermir. Hər problemi silahla həll etmək və davamlı olaraq silahlı qarşıdurma axtarmaq qadağandır. Başa çatmış qarşıdurmanı heç bir əsaslı rol səbəbi olmadan yenidən başlatmaq qadağandır. ━━━━━━━━━━━━━━━━━━━━ 05 — ÖLDÜRMƏ SƏBƏBİ Əsaslandırılmış ölümcül müdaxilə Başqa oyunçunu öldürmək üçün ciddi və əsaslandırılmış RP səbəbi mövcud olmalıdır. Heç bir əsaslı səbəb olmadan oyunçunu öldürmək Random Deathmatch (RDM) hesab olunur. OOC mübahisələr, şəxsi narazılıqlar və Discord söhbətləri oyun daxilində öldürmə səbəbi kimi istifadə edilə bilməz. ━━━━━━━━━━━━━━━━━━━━ 06 — SİLAH İSTİFADƏSİ Silahlardan realistik istifadə prinsipləri Silahdan istifadə rol daxilində son vasitələrdən biri hesab olunmalıdır. Hər mübahisədə silah çıxarmaq və qarşı tərəfi əsassız şəkildə silahla hədələmək düzgün RP hesab edilmir. Silah yalnız xarakterin mövcud vəziyyətinə və aparılan rolun məntiqinə uyğun istifadə edilməlidir. Oyun daxilində iş məqsədilə nəzərdə tutulmuş alət və levazimatlardan silah kimi istifadə etmək qadağandır. ━━━━━━━━━━━━━━━━━━━━ 07 — İLLEGAL ALVER Kriminal məhsulların alışı və satışı Silah, illegal əşya və digər kriminal məhsulların alışı və satışı yalnız oyun daxilində həyata keçirilməlidir. Discord vasitəsilə qiymət müzakirəsi aparmaq, müştəri tapmaq və görüş yeri müəyyənləşdirmək qadağandır. Tanımadığınız şəxslərə heç bir rol səbəbi olmadan illegal əlaqə və ya kriminal məhsul təklif etmək realistik RP hesab olunmur. ━━━━━━━━━━━━━━━━━━━━ İLLEGAL QRUP VƏ AİLƏ QAYDALARI ━━━━━━━━━━━━━━━━━━━━ 08 — AİLƏ VƏ İLLEGAL QURUMLAR Ailə sistemi və üzv limitləri Bir ailə maksimum 6+1 sistemi ilə fəaliyyət göstərə bilər. Ailə üzvlərinin minimum yaşı 18, ailə liderinin minimum yaşı isə 20 olmalıdır. Müəyyən edilmiş ailə limitindən kənar oyunçuları silahlı qarşıdurmalara və illegal əməliyyatlara daxil etmək qadağandır. “Dostumuzdur” və ya “Bizimlə gəzir” kimi səbəblər limitdən artıq şəxsin ailə qarşıdurmasına qoşulmasına icazə vermir. ━━━━━━━━━━━━━━━━━━━━ 09 — AİLƏLƏRİN BİRLƏŞMƏSİ Qruplararası əməkdaşlıq limitləri Ayrı-ayrı ailələrin polisə və ya digər ailələrə qarşı kütləvi şəkildə birləşməsi qadağandır. Başqa ailədən davamlı əlavə qüvvə almaq və müəyyən edilmiş ailə limitlərini dolayı yollarla aşmaq qayda pozuntusudur. Müvəqqəti və məntiqli biznes əlaqələrinin mövcudluğu avtomatik olaraq birgə silahlı qarşıdurmada iştirak etmək hüququ yaratmır. ━━━━━━━━━━━━━━━━━━━━ 10 — POLİSƏ QARŞI İLLEGAL RP Dövlət qurumları ilə qarşılıqlı rol Polis ciddi dövlət qurumu kimi qəbul edilməli və buna uyğun realistik rol aparılmalıdır. Heç bir əsas olmadan polisi təhrik etmək, qəsdən arxanızca salmaq və süni şəkildə polis qarşıdurması yaratmaq qadağandır. Polis əməkdaşına silah tuşlamaq və ya hücum etmək üçün çox ciddi və əsaslandırılmış RP səbəbi olmalıdır. Sadəcə həbs olunmamaq və ya kiçik cərimədən yayınmaq məqsədilə polis əməkdaşını öldürmək düzgün RP hesab edilmir. Polis bölməsinə səbəbsiz hücum etmək və ya həmin ərazini silahlı qarşıdurma zonasına çevirmək qadağandır. ━━━━━━━━━━━━━━━━━━━━ 11 — GİROV RP Girov götürmə və girova münasibət Girov götürmək üçün məntiqli və realistik RP səbəbi olmalıdır. Dostunuzu, ailə üzvünüzü və ya əvvəlcədən razılaşdığınız şəxsi saxta girov kimi istifadə etmək qadağandır. Girovun həyatı dəyərli hesab edilməli və qarşı tərəfə rol oynamaq imkanı verilməlidir. Yalnız pul qazanmaq və ya hər dəfə polisə qarşı üstünlük əldə etmək məqsədilə səbəbsiz girov götürmək qadağandır. ━━━━━━━━━━━━━━━━━━━━ 12 — QAÇIRILMA Oyunçuların məcburi aparılması Başqa oyunçunu qaçırmaq üçün əsaslandırılmış RP səbəbi mövcud olmalıdır. Tanımadığınız şəxsi heç bir səbəb olmadan küçədən götürərək qaçırmaq qadağandır. Qaçırılan oyunçunun roluna, reaksiyalarına və qarşılıqlı RP imkanlarına hörmət edilməlidir. Qaçırılma prosesi yalnız əşya əldə etmək, inventarı boşaltmaq və ya oyunçunu narahat etmək məqsədilə həyata keçirilə bilməz. ━━━━━━━━━━━━━━━━━━━━ 13 — LOOT QAYDALARI Əşya və inventar götürmə limitləri Yaralı və ya öldürülmüş oyunçunun inventarını heç bir əsas olmadan tamamilə boşaltmaq qadağandır. Yalnız baş vermiş hadisə və aparılan rol ilə birbaşa əlaqəli əşyalar götürülə bilər. Hər silahlı qarşıdurmadan sonra qarşı tərəfin bütün inventarını götürmək Win Mentality və zəif RP hesab oluna bilər. Polis və digər dövlət əməkdaşlarını yalnız onların silahlarını və avadanlıqlarını əldə etmək məqsədilə hədəf seçmək qadağandır. ━━━━━━━━━━━━━━━━━━━━ 14 — SOYĞUNLAR Market və bank soyğunlarına dair tələblər Market və bank soyğunları Turan Roleplay serverinin ayrıca müəyyən edilmiş Soyğun Qaydalarına uyğun həyata keçirilməlidir. İştirakçı, avtomobil, girov, silah və tələb olunan pul limitlərinin aşılması qadağandır. Soyğun üçün müəyyən edilmiş tələblər qarşılanmadıqda həmin rol administrasiya tərəfindən etibarsız hesab edilə və CLEAR qərarı verilə bilər. ━━━━━━━━━━━━━━━━━━━━ İLLEGAL GEYİM VƏ GÖRÜNÜŞ QAYDALARI ━━━━━━━━━━━━━━━━━━━━ 15 — MASKA İSTİFADƏSİ Maska və üz örtüklərindən istifadə Maska yalnız məntiqli və əsaslandırılmış illegal fəaliyyətlər zamanı istifadə edilməlidir. Gün ərzində heç bir səbəb olmadan davamlı maska ilə gəzmək realistik RP hesab olunmur. Illegal rol tamamlandıqdan sonra səbəbsiz şəkildə maskalı qalmaq qadağandır. Maska taxmaq xarakterinizi avtomatik olaraq tamamilə tanınmaz etmir. ━━━━━━━━━━━━━━━━━━━━ 16 — DÖVLƏT GEYİMLƏRİ Rəsmi uniforma və nişanlardan istifadə Polis, EMS və digər dövlət qurumlarına aid uniforma və rəsmi nişanlardan icazəsiz istifadə qadağandır. Dövlət əməkdaşı kimi görünmək, insanları aldatmaq və ya üstünlük əldə etmək məqsədilə polis və EMS geyimlərini təqlid etmək olmaz. ━━━━━━━━━━━━━━━━━━━━ 17 — TAKTİKİ VƏ İLLEGAL GEYİMLƏR Xüsusi əməliyyat geyimlərindən istifadə Gündəlik sosial həyatda tam hərbi və ağır taktiki geyimlə gəzmək düzgün RP hesab olunmur. Gülləkeçirməz jilet, taktiki dəbilqə, üz örtüyü və digər xüsusi avadanlıqlar yalnız aparılan rol ilə uyğun olduqda istifadə edilməlidir. Geyiminiz xarakterinizin vəziyyətinə və iştirak etdiyiniz əməliyyatın xüsusiyyətlərinə uyğun olmalıdır. Sadəcə illegal görünmək məqsədilə davamlı olaraq ağır taktiki geyimdən istifadə etmək qadağandır. ━━━━━━━━━━━━━━━━━━━━ 18 — EYNİ GEYİMDƏN İSTİFADƏ Ailə və qrupların geyim uyğunluğu Ailə və illegal qrup üzvləri müəyyən əməliyyatlarda bir-birlərini tanımaq üçün oxşar geyim və rənglərdən istifadə edə bilərlər. Başqa ailənin və ya təşkilatın geyimini qəsdən kopyalamaq, onların adından cinayət törətmək və ya digər oyunçuları bilərəkdən çaşdırmaq qadağandır. ━━━━━━━━━━━━━━━━━━━━ 19 — ÜZÜN GİZLƏDİLMƏSİ Kimliyin müəyyən edilməsi qaydaları Maska, bandana və digər üz örtüklərindən istifadə edilərkən xarakterin görünüşünə uyğun realistik rol aparılmalıdır. Üzü tamamilə örtülü olan şəxsin kimliyini heç bir əsas olmadan dərhal müəyyən etmək qadağandır. Yalnız geyimin rəngi və ya avtomobil əsasında şəxsin kimliyini tam dəqiqliklə müəyyən etmək düzgün RP hesab edilmir. ━━━━━━━━━━━━━━━━━━━━ 20 — SOSİAL VƏ İLLEGAL GEYİM AYRIMI Gündəlik həyat və kriminal fəaliyyətlərdə görünüş Normal sosial rolda istifadə etdiyiniz gündəlik geyimlə planlaşdırılmış və ciddi illegal fəaliyyətlərə qoşulmaq qadağandır. Soyğun, qaçırılma, silahlı qarşıdurma və digər ciddi illegal rollarda xarakter həmin fəaliyyətə uyğun görünüş və geyim seçməlidir. Illegal fəaliyyət üçün istifadə edilən maska, taktiki geyim, gülləkeçirməz jilet və digər xüsusi avadanlıqlarla normal sosial rolda səbəbsiz gəzmək qadağandır. Illegal rol tamamlandıqdan sonra xarakter uyğun şəraitdə normal sosial görünüşünə qayıtmalıdır. Sosial və illegal rol arasında heç bir görünüş fərqi yaratmadan davamlı şəkildə hər iki rolu aparmaq qeyri-real RP hesab oluna bilər. Gündəlik sosial geyimlə planlaşdırılmış cinayətə qoşulub daha sonra eyni geyimlə adi sosial həyata qayıtmaq düzgün RP hesab edilmir. ━━━━━━━━━━━━━━━━━━━━ 21 — İLLEGAL AVTOMOBİL İSTİFADƏSİ Nəqliyyat vasitələrindən realistik istifadə Avtomobillər öz texniki imkanlarına və təyinatına uyğun istifadə edilməlidir. Alçaq və adi şəhər avtomobilləri ilə qeyri-real şəkildə dağlardan, pilləkənlərdən və ekstremal ərazilərdən keçmək Fail RP hesab oluna bilər. Ağır yol-nəqliyyat hadisəsindən sonra heç nə baş verməmiş kimi yüksək sürətlə hərəkətə davam etmək qadağandır. Avtomobildən qəsdən başqa oyunçunu vurmaq və ya öldürmək üçün silah kimi istifadə etmək Vehicle Deathmatch (VDM) hesab olunur. ━━━━━━━━━━━━━━━━━━━━ 22 — FEAR RP VƏ İLLEGAL ROL Xarakterin həyatına dəyər vermək Illegal fəaliyyətlə məşğul olmaq xarakterinizi qorxmaz və ölümsüz etmir. Qarşı tərəfin açıq silah və say üstünlüyü mövcuddursa, xarakterinizin həyatını nəzərə alaraq realistik rol aparmalısınız. Başınıza silah tuşlanmış vəziyyətdə heç nə olmamış kimi silah çıxarmaq, qaçmağa çalışmaq və ya qarşılıq vermək Fear RP pozuntusu hesab oluna bilər. ━━━━━━━━━━━━━━━━━━━━ 23 — OOC ÜSTÜNLÜK QADAĞASI Oyunxarici məlumatlardan yararlanma Discord, canlı yayımlar və digər oyunxarici mənbələrdən əldə edilən məlumatlardan illegal fəaliyyət zamanı istifadə etmək qadağandır. OOC məlumatlardan istifadə edərək başqa oyunçunun yerini, ailəsini və ya planlarını müəyyənləşdirmək Meta Gaming hesab olunur. Başqa oyunçunun canlı yayımını izləyərək onun oyun daxilindəki mövqeyini və hərəkətlərini öyrənmək məqsədilə Stream Sniping etmək ciddi qayda pozuntusudur. ━━━━━━━━━━━━━━━━━━━━ ÜMUMİ QAYDALAR VƏ MƏSULİYYƏT Illegal rolun əsas məqsədi yalnız silahlı qarşıdurmalarda qalib gəlmək deyil, uzunmüddətli, məntiqli və keyfiyyətli kriminal hekayələr yaratmaqdır. Hər bir illegal oyunçu öz xarakterinin həyatına dəyər verməli, sosial RP fəaliyyətlərini davam etdirməli və digər oyunçuların rol hüquqlarına hörmət etməlidir. “Illegalam, istədiyimi edə bilərəm” düşüncəsi heç bir qayda pozuntusuna haqq qazandırmır. Qaydaların pozulması hadisənin ağırlığına və şəraitinə uyğun olaraq administrasiya tərəfindən qiymətləndirilir və müvafiq cəza ilə nəticələnə bilər. Unutmayın: Əsl illegal rol yalnız güc nümayiş etdirmək deyil, düşünülmüş qərarlar, məntiqli davranışlar və davamlı xarakter inkişafı ilə formalaşır. TURAN ROLEPLAY — Rolunu seç, izini burax!

Fight Qaydaları

Atışma və Fight qaydaları

TURAN ROLEPLAY ATIŞMA VƏ FIGHT QAYDALARI Turan Roleplay serverində bütün silahlı qarşıdurmalar realistik, balanslı və məntiqli rol prinsiplərinə uyğun həyata keçirilməlidir. Hər bir oyunçu qarşıdurma zamanı müəyyən edilmiş qaydalara riayət etməli, xarakterinin həyatına dəyər verməli və digər oyunçuların rol hüquqlarına hörmətlə yanaşmalıdır. ━━━━━━━━━━━━━━━━━━━━ 01 — ZİREH VƏ BANDAJ LİMİTLƏRİ Döyüş zamanı tibbi ləvazimatların daşınması Üzərində çanta olmayan oyunçunun 2 ədəddən artıq zireh və 5 ədəddən artıq bandaj daşıması qadağandır. Oyunçular silahlı qarşıdurmaya qoşulmazdan əvvəl üzərlərində daşıdıqları avadanlıqların müəyyən edilmiş limitlərə uyğun olduğundan əmin olmalıdırlar. ━━━━━━━━━━━━━━━━━━━━ 02 — FIGHT ZAMANI ÖLDÜKDƏN SONRA GERİ QAYITMAQ NLR və Fight Return qadağası Silahlı qarşıdurma zamanı öldüyünüz halda /e və ya digər oyun mexanikalarından istifadə edərək ayağa qalxmaq və eyni döyüşə yenidən qoşulmaq qəti qadağandır. Öldüyünüz andan etibarən həmin silahlı qarşıdurma sizin üçün başa çatmış hesab olunur. Yenidən silah əldə edərək hadisə yerinə qayıtmaq, komanda yoldaşlarınıza kömək etmək və ya qarşı tərəfə müdaxilə etmək NLR / Fight Return pozuntusu hesab edilir. ━━━━━━━━━━━━━━━━━━━━ 03 — EMS TƏRƏFİNDƏN QALDIRILDIQDAN SONRA Yaralı RP və qarşıdurmaya qayıtma məhdudiyyəti Silahlı qarşıdurma başa çatdıqdan sonra EMS əməkdaşları tərəfindən qaldırılmağınız həmin qarşıdurmaya yenidən qoşulmaq hüququ vermir. Həkim tərəfindən qaldırılsanız belə, ən azı 1–2 saat ərzində yeni silahlı qarşıdurmaya və ya əvvəlki hadisənin davamı hesab edilə biləcək döyüşə qoşulmaq qadağandır. Bu müddət ərzində xarakterinizin aldığı xəsarətlərə uyğun yaralı RP və sosial rol aparmağınız tələb olunur. “Məni həkim qaldırdı, artıq sağlamam” düşüncəsi ilə dərhal yenidən silahlı qarşıdurmaya daxil olmaq qəbul edilmir. ━━━━━━━━━━━━━━━━━━━━ 04 — DISCORD VƏ OOC ƏLAQƏ QADAĞASI Döyüş zamanı əlaqə vasitələrindən istifadə Aktiv silahlı qarşıdurma zamanı Discord, şəxsi zənglər və digər oyunxarici əlaqə vasitələri ilə komanda yoldaşlarınızla əlaqə saxlamaq qəti qadağandır. Döyüşlə bağlı bütün məlumat mübadiləsi yalnız oyun daxilində mövcud olan IC əlaqə vasitələri ilə həyata keçirilməlidir. Discord vasitəsilə məkan, rəqib sayı, polis mövqeyi, silah vəziyyəti və digər taktiki məlumatların ötürülməsi Meta Gaming hesab olunur. ━━━━━━━━━━━━━━━━━━━━ 05 — ÖLDÜKDƏN SONRA MƏLUMAT VERMƏK Ölü vəziyyətdə məlumat paylaşımı qadağası Silahlı qarşıdurma zamanı öldükdən sonra Discord və ya digər OOC vasitələrlə komanda yoldaşlarınıza məlumat ötürmək qəti qadağandır. “Filan yerdə öldüm”, “Burada qalmışam”, “Məni gəlib götürün”, “Onlar bu tərəfdədir” kimi məlumatların paylaşılması qayda pozuntusudur. Sizi kimin öldürdüyünü, qarşı tərəfin hansı mövqedə olduğunu və döyüşün mövcud vəziyyətini komanda yoldaşlarınıza bildirmək olmaz. Ölü vəziyyətdə ötürülən bu cür məlumatlar Meta Gaming və silahlı qarşıdurmaya kənardan müdaxilə kimi qiymətləndirilə bilər. ━━━━━━━━━━━━━━━━━━━━ 06 — FIGHTIN BİTMƏSİ Silahlı qarşıdurmanın başa çatma şərtləri Tərəflərdən biri məğlub olduqda, ərazi tərk edildikdə və ya administrasiya tərəfindən CLEAR qərarı verildikdə silahlı qarşıdurma bitmiş hesab olunur. Başa çatmış silahlı qarşıdurmanı qısa müddət sonra başqa bəhanə ilə yenidən başlatmaq və əvvəlki hadisəni davam etdirmək qadağandır. Administrasiya tərəfindən verilmiş CLEAR qərarından sonra həmin qarşıdurmaya aid hər hansı hücum, təqib və ya intiqam xarakterli müdaxilə etmək olmaz. ━━━━━━━━━━━━━━━━━━━━ QAYDALARA RİAYƏT VƏ MƏSULİYYƏT Silahlı qarşıdurmalarda iştirak edən bütün oyunçular müəyyən edilmiş qaydalara və məhdudiyyətlərə əməl etməyə borcludurlar. Qaydaların pozulması hadisənin ağırlığından və şəraitindən asılı olaraq administrasiya tərəfindən qiymətləndirilir və müvafiq cəza ilə nəticələnə bilər. Fight qaydalarının əsas məqsədi silahlı qarşıdurmaları daha balanslı, ədalətli, realistik və Roleplay prinsiplərinə uyğun şəkildə həyata keçirməkdir. Unutmayın: Əsl Roleplay yalnız döyüşdə qalib gəlmək deyil, xarakterinizin həyatına dəyər vermək və hər vəziyyətdə məntiqli davranmaqdır. TURAN ROLEPLAY — Rolunu seç, izini burax!

Streamer Qaydaları

Yayımçı Qaydaları

TURAN ROLEPLAY YAYIMÇI QAYDALARI Turan Roleplay serverində canlı yayım həyata keçirən bütün oyunçular server qaydalarına riayət etməli, keyfiyyətli rol mühitini qorumalı və tamaşaçıların oyun daxilində baş verən hadisələrə müdaxiləsinin qarşısını almalıdırlar. Yayımçı statusu oyunçuya əlavə üstünlük və ya server qaydalarından istisna hüququ vermir. ━━━━━━━━━━━━━━━━━━━━ 01 — YAYIM ZAMANI RP-YƏ MÜDAXİLƏ Canlı yayımın rol prosesinə təsiri Rol davam etdiyi müddətdə yayım çatından istifadə edərək rolu yönləndirmək, tamaşaçıların verdiyi məlumatlara əsasən qərar qəbul etmək və ya onların istəyi ilə RP prosesinə müdaxilə etmək qəti qadağandır. Yayım çatında paylaşılan oyunxarici (OOC) məlumatların oyun daxilində istifadə edilməsi Meta Gaming hesab oluna bilər. Yayımçı öz rolunu yalnız oyun daxilində əldə etdiyi məlumatlara əsaslanaraq davam etdirməlidir. ━━━━━━━━━━━━━━━━━━━━ 02 — ÇAT VASİTƏSİLƏ YÖNLƏNDİRMƏ Tamaşaçı müdaxiləsinin qarşısının alınması Tamaşaçıların “Ora get”, “Filankəs buradadır”, “Bunu vur”, “Admini çağır” və buna bənzər mesajları əsasında oyun daxilində hərəkət etmək qadağandır. Yayımçı tamaşaçıların təsiri ilə rolun gedişatını dəyişə və oyun daxilində qərarlar qəbul edə bilməz. Tamaşaçıların RP prosesinə müdaxilə etməsinə bilərəkdən şərait yaratmaq yayımçının məsuliyyəti hesab olunur. ━━━━━━━━━━━━━━━━━━━━ 03 — YETKİLİ HEYƏTƏ QARŞI DAVRANIŞ Administrasiyaya hörmət və etik davranış Yayım çatında adminlərə və digər yetkili heyət üzvlərinə qarşı təhqir, söyüş və hörmətsiz davranışlara bilərəkdən şərait yaratmaq qadağandır. Tamaşaçıları admin heyətinə qarşı qızışdırmaq, onları hədəf göstərmək və ya kütləvi şəkildə üzərlərinə yönləndirmək ciddi qayda pozuntusu hesab olunur. Admin qərarlarını təhqiramiz şəkildə alçaltmaq, onların nüfuzunu qəsdən sarsıtmağa çalışmaq və ya tamaşaçıları adminlərə qarşı təhrik etmək qadağandır. Bu cür məqsədli təhqir və təhrik hallarına sıfır tolerantlıq tətbiq edilir. Pozuntunun ağırlığına uyğun ciddi administrativ tədbirlər görülə bilər. ━━━━━━━━━━━━━━━━━━━━ 04 — YAYIMÇININ MƏSULİYYƏTİ Canlı yayım və çat idarəetməsi Yayımçı öz canlı yayımının çatında yaranan vəziyyətə nəzarət etməli və server qaydalarının pozulmasına bilərəkdən şərait yaratmamalıdır. Yayımçının özü birbaşa qayda pozuntusuna təşviq etməsə belə, tamaşaçıları qəsdən qızışdırması və ya davamlı qayda pozuntularına bilərəkdən göz yumması administrasiya tərəfindən ayrıca qiymətləndirilə bilər. Yayımçı statusu heç bir oyunçuya əlavə üstünlük, xüsusi toxunulmazlıq və ya server qaydalarından kənar davranmaq hüququ vermir. ━━━━━━━━━━━━━━━━━━━━ 05 — ROL PASI Administrasiya tərəfindən verilən rol qərarları Rol pası yalnız admin heyəti tərəfindən verilən rəsmi qərardır. Admin tərəfindən verilmiş rol pasına heç bir oyunçu qarşı çıxa, onu poza və ya görməzdən gələ bilməz. Rol pası verildiyi halda bütün iştirakçılar həmin qərara uyğun hərəkət etməyə borcludurlar. Rol pası ilə razılaşmadığınız halda aktiv RP prosesini pozmaq əvəzinə, hadisədən sonra rəsmi ticket sistemi vasitəsilə etiraz edə bilərsiniz. ━━━━━━━━━━━━━━━━━━━━ 06 — ADMİN QƏRARLARI Administrativ qərarlara riayət edilməsi Aktiv rol zamanı admin heyətinin verdiyi qərarlara hörmət edilməli və onların icrasına mane olunmamalıdır. Admin qərarı ilə razılaşmamaq həmin qərarı oyun daxilində pozmaq və ya icrasından imtina etmək hüququ vermir. Administrativ qərarlarla bağlı etirazlar yalnız rəsmi ticket və dəstək sistemi vasitəsilə təqdim edilməlidir. ━━━━━━━━━━━━━━━━━━━━ 07 — CƏZALAR VƏ İNZİBATİ TƏDBİRLƏR Qayda pozuntularına görə məsuliyyət Yayımçı qaydalarının pozulması zamanı oyunçunun yayımçı statusundan asılı olmayaraq server qaydalarına uyğun cəza tətbiq ediləcək. Meta Gaming, admin heyətini hədəf göstərmək, tamaşaçıları qızışdırmaq və ya administrativ qərarlara qəsdən qarşı çıxmaq kimi ağır hallarda daha ciddi cəzalar tətbiq edilə bilər. Təkrarlanan və ciddi pozuntular yayımçı statusunun ləğvi, müvəqqəti ban və ya daha ağır administrativ tədbirlərlə nəticələnə bilər. “Çat dedi”, “Tamaşaçı istədi” və ya “Yayımda idim” kimi ifadələr qayda pozuntusuna bəraət qazandıran səbəblər hesab edilmir. ━━━━━━━━━━━━━━━━━━━━ ÜMUMİ QAYDALAR VƏ MƏSULİYYƏT Turan Roleplay serverində yayım həyata keçirən hər bir oyunçu həm öz davranışlarına, həm də canlı yayım vasitəsilə yaratdığı mühitə məsuliyyətlə yanaşmalıdır. Yayımçılar serveri daha geniş auditoriyaya təqdim etdikləri üçün realistik RP prinsiplərinə, qarşılıqlı hörmətə və server qaydalarına xüsusi diqqət yetirməlidirlər. Yayımçı statusu imtiyaz deyil, əlavə məsuliyyətdir. Unutmayın: Keyfiyyətli yayım yalnız tamaşaçı sayından deyil, yaratdığınız rol mühitindən və nümayiş etdirdiyiniz davranışlardan asılıdır. TURAN ROLEPLAY — Rolunu seç, izini burax!

BİRLİKDƏ TURANIQ

Hekayənin bir parçası ol.

Turan icması səni gözləyir. Yeniliklərdən xəbərdar ol, suallarını ver və ilk addımını at.

Discord-a qoşul